Ուրբաթ օրը Մեխիկոյում կենդանիների պաշտպանների հուժկու ցույց է կազմակերպվել: Նրանք պահանջել են ազատ արձակել մի քանի տասնյակ անտուն շների, որոնց վերջերս բռնել են: Ենթադրվում է, որ շները հարձակվել են մարդկանց վրա, ինչի պատճառով վերջիններս մահացել են` հայտնում է RIA Novosti-ն:
4 մարդկանց սպանված մարմինները հայտնաբերվել էին քաղաքի էկոլոգիական տարածքներից մեկում, որոնց վրա առկա էին եղել շան կծածի հետքեր, ինչից հետո հատուկ ստեղծված ջոկատները բռնել են շներին:
Հետազոտությունները ցույց են տվել, որ «ձերբակալված» շները սպանությունների հետ կապ չունեն, սակայն մնում են անազատության մեջ: Կենդանիների իրավունքների պաշտպանները ցույցի են դուրս եկել Մեխիկոյի հասարակական անվտանգության նախարարության շենքի մոտ՝ օրինապահ մարմիններին վիրավորող պաստառներով ու շներին անմիջապես ազատ արձակելու պահանջով:
