Այսօր Ժնևում եռակողմ ձևաչափով մեկնարկելու է խորհրդակցությունների հերթական փուլը Սիրիայի հակամարտության կարգավորման հարցի շուրջ: Ինչպես հաղորդում է RBK-ն, հանդիպմանը մասնակցելու են Ռուսաստանի և ԱՄՆ-ի ներկայացուցիչները, Սիրիայի հարցով ՄԱԿ և ԱՊԼ հատուկ բանագնաց Լախդար Բրահիմին:
Ռուսաստանի պատվիրակությունը ղեկավարելու է Մերձավոր Արևելքի հարցերով ՌԴ նախագահի հատուկ ներկայացուցիչ, ՌԴ արտգործնախարարի տեղակալ Միխայիլ Բոգդանովը, իսկ ԱՄՆ-ի պատվիրակությունը՝ պետքատուղարի տեղակալ Ուիլյամ Բերնսը:
Համապատասխան պայմանավորվածություն 2013 թ. հունվարի 8-ին հեռախոսազրույցով ձեռք էին բերել ՌԴ արտգործնախարար Սերգեյ Լավրովը և Լախդար Բրահիմին:
ՌԴ ԱԳՆ հայտարարության համաձայն՝ Ռուսաստանը հույս ունի սիրիական հակամարտությունը լուծել միջսիրիական երկխոսության միջոցով:
«Ակնկալում ենք, որ այս նպատակի համար սիրիական հակամարտության բոլոր կողմերը կդադարեցնեն ցանկացած բռնություն և կղեկավարվեն՝ ելնելով բացառապես սիրիացի ժողովրդի շահերից, Սիրիայի ժողովրդավարական ազատ զարգացման ապահովման խնդիրներից»,- ասվում է հայտարարության մեջ:
