Հոլիվուդյան դերասանուհի և ռեժիսոր Անջելիա Ջոլին կարող է հրաժարվել Մեծ Բրիտանիա տեղափոխությունից՝ էլիտար տների հարկի պատճառով: Այս մասին գրում է The Times-ը: Ինչպես հիշեցնում է թերթը, նման հարկի վճարման օգտին են հանդես գալիս լեյբորիստները՝ Էդ Միլիբենդի գլխավորությամբ:
Բրիտանական հեռուստատեսությանը տված հարցազրույցում Ջոլին հայտարարել է, որ պատասխանատվությամբ է մոտենում գումարին: Դերասանուհու խոսքով՝ ավելի քան 2 մլն ֆունտ արժողությամբ տուն ունեցողներից հարկեր գնձելու Միլիբենդի ծրագիրը կարող է ստիպել իրեն հրաժարվել Մեծ Բրիտանիա տեղափոխվելուց:
Ավելի վաղ մամուլում հայտնվել էր ենթադրություն այն մասին, որ Ջոլին և նրա ամուսին Բրեդ Փիթը հետաքրքրվում են Լոնդոնում անշարժ գույքով, մասնավորապես՝ 25 մլն ֆունտ արժողությամբ պենտհաուսով:
Դերասաուհին Մեծ Բրիտանիայում է՝ հանդիսատեսին ներկայացնելու իր «Անկոտրումը» ռեժիսորական նախագիծը: Ինչպես արդեն ավելի վաղ հաղորդվել էր, Ջոլին կարող է թողնել ֆիլմում նկարահանվելը:
