Թուրինի «Յուվենթուս»-ի կիսապաշտպան Կլաուդիո Մարկիզիոն «Նապոլի»-ի հասցեին հանդես է եկել պրովոկացիոն հայտարարությամբ:
«Չկան այնպիսի խաղացողներ այդ թիմում, ում նկատմամբ ես զզվանք զգամ: Ավելի շուտ` խոսքը ընդհանուր թիմի մասին է, մանավանդ` Իտալիայի գավաթի և ազգային սուպերգավաթի խաղարկության շատ բարդ ընթացք ունեցած խաղերից հետո:
Ինչպես դուք արդեն կռահեցիք, խոսքը «Նապոլի»-ի մասին է: Երբ մենք հանդիպում ենք նեապոլիտանացիներին, ինձ հետ աննկարագրելի ինչ-որ բան է կատարվում: Տանել չեմ կարող այդ թիմը»,- հայտարարել է 26-ամյա Մարկիզիոն Corriere della Sera-ին տված հարցազրույցի ժամանակ:
Նման հայտարարությունից հետո, բնականաբար, Facebook-ի իր էջում Մարկիզիոն ստացել է «Նապոլի»-ի երկրպագուների բազմաթիվ արձագանքները:
