«Լիվերպուլ»-ի գլխավոր մարզիչ Բրենդան Ռոջերսը մեկնաբանել է «Քրիսթալ Փելաս»-ից կրած 3:1 հաշվով պարտությունը:
«Ես այդքան ինքնավստահ չեմ և չեմ կարծում, որ աշխատանքիս վտանգ չի սպառնում: Հիանալի հարաբերություններ ունեմ սեփականատերերի հետ: Մենք միշտ արդար ու բաց ենք միմյանց հետ շփման հարցում:
Ամեն դեպքում, պետք է արդյունք ապահովել: Սեփականատերերն ու գործադիր տնօրենը պետք է առաջընթաց նկատեն թիմի խաղում: Բացառությամբ վերջին ամիսների, աշխատանքիս ամբողջ ընթացքում այդ առաջընթացը նկատելի է եղել:
Բայց ինչպես ասացի, պետք է արդյունք ապահովել, այլապես կհեռացվեմ: Այժմ ճնշում եմ զգում, քանի որ մեր խաղը չի արդարացնում սպասելիքները»,- Ռոջերսի խոսքերը մեջբերում է Telegraph-ը:
