ՀՀԿ-ական պատգամավոր Գագիկ Մինասյանը չի կիսում այն վերլուծաբանների կարծիքը, որ ՀՅԴ-ն, ՀԱԿ-ը և ԲՀԿ-ն հետընտրական շրջանում միասնական ճակատով հանդես կգան: «Առավոտ»-ի զրուցակիցը թեև կողմ չէ բացառումների տեսությանը, բայց նաև չի տեսնում ընդդիմության միավորման հիմքը.
«Եթե վերհիշենք խորհրդարանական ընտրություններին նախորդող շրջանը, ըստ էության՝ այդպիսի մի ուժերի համատեղման փորձ արվեց, որի արդյունքում ՀՅԴ-ն և ՀԱԿ-ը, փաստորեն, իրենց ընտրազանգվածին ուղղեցին դեպի ԲՀԿ: Չգիտեմ, թե առաջիկա այդպիսի զարգացումներն ինչ հիմքի վրա պիտի կայանան, մանավանդ՝ կյանքը ցույց տվեց, որ ԲՀԿ-ն, ըստ էության, չի արդարացնում այն հույսերը, որոնք փայփայում էին մյուս ընդդիմադիր կուսակցությունները: Եվ հենց դրանով էլ պայմանավորված է այն իրավիճակը, որում հայտնվել են այդ կուսակցություններն այսօր»,- «Առավոտին» ասաց ՀՀԿ-ական պատգամավորը:
