Ֆիլմերում նկարահանված լավագույն առանձնատների թոփ-տասնյակը

Ellee.ru-ն ներկայացրել է հայտնի ֆիլմերում նկարահանված նշանավոր առանձնատների լավագույն տասնյակը։

1. Դաունթոն աբբայություն (Downton Abbey)
«Դաունթոն աբբայություն» սերիալում գլխավոր դերը Բրիտանիայի Հեմփշիրում գտնվող Հայքլեր ամրոցինն է: Արդեն հինգերորդ սեզոնին Գրենթհեմ-Քրոուլի ընտանիքների բազմաթիվ ինտրիգները համոզիչ են թվում միայն ամրոցի ներքին հարդարման շնորհիվ:

2. Սեր կանոններով և առանց (Something’s gotta give)
Something’s Gotta Give (2003) ֆիլմը նկարահանվել է Հեմփթոնսում գտնվող բնակելի տանը, որի ներքին հարդարումը վերափոխվել է նկարիչ Ջոն Հաթմենի և դեկորատոր Բեթ Ռուբինոյի կողմից: Ֆիլմի թողարկումից հետո այդ տունը օվկիանոսի ափին ռոմանտիկ բնակության օրինակ է ծառայում:

3. Հպարտություն և նախազգուշացում (Pride and Prejudice)
Երբ Էլիզաբեթ Բենեթը տեսել է միսթեր Դարսի-Թեմբերլիի առանձնատունը, նա միանգամից զղջացել է, որ մերժել է նրա առաջարկությունը: Հպարտությունը՝ հպարտություն, սակայն այն կարելի է մի կողմ դնել հանուն շքեղ Չթսուորտ հաուսում բնակվելու: Սա Դևոնշիր դուքսերի առանձնատունն է, ովքեր այն ֆիլմերի նկարահանումների համար վարձով են հանձնում:

4. Փսիխո (Psycho)
Եթե ամենասարսափելի տան համար մրցանակ սահմանվեր, ապա այն անկասկած կշահեր Նորման Բեյթսի առանձնատունը:Հատկանշական է, որ Ալֆրեդ Հիչքոքը այս տունը ստեղծելիս ոգեշնչվել է Էդվարդ Հոփերի անմեղ «Տուն երկաթգծի մոտ» ֆիլմից:

5. Մեծն Գեթսբի (The Great Gatsby)
Զարմանալի է, բայց Ջեյ Գեթսբիի առանձատունը իրականում գոյություն ունի՝ ի տարբերություն Հոգվարթս դպրոցի, որն իրենից միայն մակետ է ներկայացնում: Սակայն այստեղ նույնպես մի քիչ կինոհրաշք է կատարվել, և ամրոցին մի քանի աշտարակ, արհեստական ծածկույթ, իսկ բակում՝ շատրվան է ավելացվել:

6. Քամուց քշվածները (Gone with the wind)
Մարգարեթ Միտչելը բազմիցս նշել է, որ Թարա առանձանտունը, որտեղ ապրում է Սքարլեթը, նախատիպ չունի: Կինոյի պատմության մեջ ամենահայտնի առանձնատունը հատուկ նկարահանումների համար կառուցված սպիտակ ֆասադ է:

7. Ուրվականը (The Ghost Writer)
Ռոման Պոլանսկու քաղաքական թրիլերը, որը պատմում է գրող-ուրվականի մասին, ով գրում է նախկին վարչապետի հիշողությունները, անթերի չի ստացվել: Սակայն ամենատպավորիչը Նոր Անգլիայի ծովափին գտնվող առանձնատունն է, որտեղ բնակվում է քաղաքական գործիչը, և որտեղ հերոսը պետք է գրի իր գիրքը: Իրականում տան ֆասադը կառուցվել է միայն նկարահանումների համար:

8. Բասկերվիլների շունը
Բասկերվիլ-հոլը գտնվում է ոչ թե Դևոնշիրում, այլ Էստոնիայի կենտրոնում՝ Տալլինում: Այնտեղ կարող է այցելել յուրաքանչյուրը: Այժմ այնտեղ տեղակայված է Էստոնիայի Պատմության թանգարանը: Սակայն ներսի նկարահանումները կատարվել են «Լենֆիլմ» ստուդիայում:

9. Անցնող գեղեցկություն (Stealing Beauty)
Երբ Բեռնարդո Բերտոլուչին տեսել է Ջեջանո վիլլան, առաջին հայացքից սիրահարվել է և միանգամից որոշել այնտեղ ֆիլմ նկարահանել: Տանտերերը մինչև այժմ էլ սիրով են հիշում Լիվ Թեյլորին և Ջերեմի Այրոնսին, ովքեր բնակվել են հենց վիլլայում:

10. Միսթեր և միսիս Սմիթներ (Mr.&Mrs.Smith)
Երկտակ տուն: Ավանդական դասական առանձնատունն իր պատերի տակ թաքցնում է երկու վարձու մարդասպանների: Անջելինա Ջոլիի հերոսուհին իր դանակները վառարանում է թաքցնում: Ուղիղ ժամը յոթին նա ամուսնուն սպասում է խանութից գնված ընթրիքով: Տան ներքին հարդարումը նույնքան իդեալական է, որքան և նրանք թվացյալ կյանք: Սարսափելի է մտածել, ինչ կատարվեց նրանց տան հետ այն պահին, երբ նրանք միմյանց մասին իմացան ողջ ճշմարտությունը, կամ ինչ կպատահեր, եթե Անջելինան և Բրեդը չհանդիպեին ֆիլմի նկարահանումներին: