ԱՄՆ-ի նախագահ Բարաք Օբաման կմասնակցի ԱՄՆ-ի նախագահի մասին պատմող կատակերգական սերիալի փակ ցուցադրությանը Սպիտակ տան կինոսրահում: Ինչպես հաղորդում է Reuters-ը, ցուցադրությանը ներկա են լինելու նաև հեռուստակատակերգության նկարահանման մասնակիցները:
Բազմասերիանոց ֆիլմը կրում է 1600 Penn (Փենսիլվանիա պողոտա 1600) անվանումը: Այն նվիրված է պետության ղեկավարի ընտանիքի բարդ հարաբերություններին: Սերիալում նախագահ Դեյլ Գիլքրիստի դերը ստանձնել է Բիլ Փուլմանը, իսկ առաջին տիկնոջ կերպարը մարմնավորել է Ջենե Էլֆմենը:
Գլխավոր կերպարներից մեկին մարմնավորում է շոուի հեղինակներից մեկը՝ Ջոշ Գադը: Նա խաղում է նախագահի որդու դերը, որը հայտնվում է տարբեր անախորժությունների մեջ:
Հարկ է նշել, որ հեռուստաշոուի սցենարի ստեղծմանը մասնակցել է Ջոն Լովեթը, որը մինչև 2011թ. գրել է Բարաք Օբամայի ելույթի տեքստերը:
Սերիալի արտադրությամբ զբաղվում է CBS հեռուստաալիքը: Նոր սերիան եթեր է հեռարձակվելու հունվարի 10-ին:
