Google-ը NASA-ի հետ պայմանագիր է կնքել Կալիֆոռնիայի Մոֆետ աերոդրոմի վարձակալության մասին: Ընկերությունը 60 տարի կղեկավարի աերոդրոմի տարածքը և կստանձնի դրա շինությունների վերակառուցումն ու արդիականացումը: Դրանց մի մասը կառուցվել են XX դարի առաջին կեսին: Արդիականացման վրա Google-ը կծախսի 200 մլն եվրո, իսկ վարձակալության համար ընդհանուր առմամբ կվճարի 1.6 մլրդ եվրո: Այս մասին գրում է The Financial Times-ը:
Ընկերությունը սկզբում NASA-ին առաջարկել էր վճարել անգարների երեք պատմական շինությունների վերանորոգման համար՝ աերոդրոմը Google-ի հիմնադիրներ Լարի Փեյջի, Սերգեյ Բրինի, ինչպես նաև տնօրենների խորհրդի նախագահ Էրիկ Շմիդտի օդանավերը պահելու համար, սակայն NASA-ն հրաժարվել էր առաջարկից և շենքերի վերականգնման լավագույն նախագծի մրցույթ էր հայտարարել:
Google-ը հաղթել է մրցույթը՝ նշելով, որ ծրագրում է աերոդրոմը կիրառել տիեզերական, ավիացիոն, ռոբոտային և այլ զարգացող տեխնոլոգիաների ոլորտում գիտական հետազոտությունների համար:
