Էստոնիայի դատարանն արդարացրել է բիզնեսմեն Անդրուս Սուկլեսին, որը մեղադրվում էր իր գործընկեր Տուլլիո Լիբլիկայի սպանությունը պատվիրելու համար, քանի որ գործով ապացույցներ հավաքած ոստիկանը չի ունեցել Էստոնիայի քաղաքացիություն, հետևաբար, նրա հավաքած ապացույցները ստացվել են անօրինական ճանապարհով: Այս մասին հայտնում է ERR էստոնական լրատվական պորտալը:
Դրա հետ մեկտեղ դատարանը հաստատել է, որ Սուկլեսն իսկապես փորձել է կազմակերպել Լիբլիկի սպանությունը:
Դատարանը նաև չեղյալ է համարել երկիրը չլքելու Սուկլեսի պարտավորությունն ու նրան փոխհատուցել փաստաբանին վճարած €27 000-ը:
Մեղադրող կողմի տվյալներով՝ 2010-ի օգոստոսին Անդրուս Սուկլեսը քիլլեր է վարձել, որին բիզնեսի իր գործընկեր Լիբլիկի սպանության դիմաց տվել է 1000 եվրո: Նա նաև քիլլերին ապահովել է զոհի լուսանկարներով և նրա բնակության վայրի ու աշխատանքային ժամերի մասին անհրաժեշտ տեղեկությամբ: Մնացած գումարը (€9 000) վարձու մարդասպանը պետք է ստանար սպանությունից հետո, բայց ոստիկանությունն իմացել է պատրաստվող հանցագործության մասին ու կարողացել է կանխել այն:
