Հունվարի 6-ին Ֆրանսիայի բյուջեի հարցերով նախարար Ժերոմ Կայուզակը հաստատել է կառավարության մտադրությունը, որ հարուստների համար հատուկ հարկը պետք է մտցվի 2013-ին։
Նա լրագրողներին հայտնել է, որ նոր հարկը 2013-ի աշնանը կմտնի բյուջեի նախագծի մեջ։ Անցած շաբաթ Ֆրանսիային Սահմանադրական խորհուրդը կասեցրել է բյուջեի մասին օրենքը, համաձայն որի՝ տարեկան 1 մլն եվրո վաստակող ֆրանսիացուց կգանձվի եկամտի 75 տոկոսը։
Նախարարը Դեպարդյեի ռուսաստանյան քաղաքացիություն ստանալը համարել է աննշան և ծիծաղելի արարք։ Իսկ վարչապետ Ժան-Մարկ Էրոն դերասանի քայլը համարել է «մի քիչ ողորմելի»։
Ֆրանսիայի Սահմանադրական դատավորները որոշել են, որ հարուստների այդ հարկը խախտում է հարկատուների իրավահավասարությունը։ Ըստ նրանց՝ եթե մի ընտանիքում մի քանի չափահասներ են միասին աշխատում են մեկ միլիոն եվրո, նրանք չեն հարկվում այդքան շատ, սակայն եթե միայն մի հոգի չափահաս է ընտանիքում վաստակում՝ հարկվում է. սա հարկային հավասարության սկզբունքի խատում է։
