Մարդը բավական դանդաղկոտ արարած է: Նա արագության մրցավազքում պարտվում է ցանկացած խոշոր գիշատչի: Սակայն անսովոր Bionic Boots կոշիկները թույլ են տալիս վազել մինչև 40 կմ/ժ արագությամբ:
Ամերիկացի Կիհի Սեյմուրին մանկուց ոգեշնչել են թռչունները, ու նա մտածեց, որ պետք է մարդկանց սովորեցնի վազել նույնքան արագ: Հենց այդպես էլ հայտնվեցին Bionic Boots կոշիկները, որ արդեն ստացել են «ջայլամի ոտքեր» անվանումը:
Bionic Boots-ը զսպանակային կոշիկներ են, որոնք թույլ են տալիս մարդուն կատարել մեծ թռիչքային քայլեր, ինչը մեծ մասամբ ավելացնում է նրա տեղաշարժման արագությունը:
Bionic Boots-ը կրողներին թույլ է տալիս մրցակցել ոչ միայն հեծանիվների, այլև ավտոմեքենաների հետ: Խոշոր պլատֆորմը թույլ չի տալիս վազորդին թաղվել ավազի կամ կեղտի մեջ:
Bionic Boots-ի կրողները պետք է ուշադիր լինեն վազելիս, քանի որ 40 կմ/ժ արագությամբ սլանալը կարող է հանգեցնել լուրջ վնասվածքների:
