ԱՄՆ տրանսպորտի անվտանգության հարցերով վարչությունը այս տարվա առաջին 10 ամիսներին 1855 միավոր զենք է հայտնաբերել ավիաուղևորների ձեռքի ուղեբեռներում: Նման տվյալներ է հրապարակել ԱՄՆ ազգային անվտանգության նախարարությունը: Անցած տարի ցուցանիշը եղել է 1813՝ հայտնում է TASS գործակալությունը:
Գերատեսչությունում նշել են, որ նշված թվաքանակից 1471 միավորը գտնվել են լիցքավորված և կիրառման պատրաստ վիճակում: Նշվում է, որ նույն ժամանակահատվածում անձնական ուղեբեռներում հայտնաբերվել են 3048 էլեկտրաշոկային ատրճանակ, հրացանների ճշգրիտ պատճեններ, հրազենի բաղադրիչ մասեր և այլ վտանգավոր առարկաներ: Միայն անցած շաբաթ ձեռքի ուղեբեռներում հայտնաբերվել է 41 ատրճանակ, որից 34-ը՝ լիցքավորված:
Վարչությունում հստակեցրել են, որ ամեն օր աշխատակիցները ստուգում են մոտ 1.89 մլն ուղևորների ուղեբեռներ:
Հայտնաբերված զենքը փոխանցվում է տեղի իշխանություններին՝ ուղեբեռում նման իր ունենալու հանգամանքները պարզաբանելու նպատակով:
