Google-ը թարմացրել է իր քարտեզագրական ծառայությունը բջջային սարքերի համար՝ հավելելով OpenTable ծառայության միջոցով ռեստորաններում սեղանների պատվիրման գործառույթն ու Uber ծառայության միջոցով կանչված տաքսիով նշված երթուղով ուղևորության արժեքը: Այս մասին ասվում է Google-ի պաշտոնական բլոգում:
Եթե օգտատերը քարտեզի վրա որևէ վայր ընտրի, նա կտեսնի տեղեկատվական ցուցանակ՝ լուսանկարներով, դրա վերաբերյալ մեկնաբանություներով, հասցեով, աշխատանքային ժամերով և այլ տվյալներով:
Էկրանի ներքևի մասում Explore բաժինը կառաջարկի օգտատիրոջ մոտակայքում գտնվող պոտենցիալ հետաքրքիր վայրերը:
