Չինական Ցզինան քաղաքի ծննդատանը կամավոր-տղամարդիկ իրենց վրա զգացել են ծննդաբերության ցավերը: «Շնորհակալություն մայրությանը՝ ծննդաբերության ցավերի փորձարկումը» արարողությունը կայացել է հենց նույն հիվանդանոցում: Բուժաշխատողների հսկողության տակ տղամարդիկ կարողացել են իրենց վրա զգալ ծննդաբերության ցավերը, հաղորդում է The Daily Mail-ը:
Կամավորների մեծ մասը հղի կանանց ամուսիններ են: Ցավերը վերարտադրելու համար հատուկ սարքով տղամարդկանց որովայնում էլեկտրաշոկերով խթանում են մկանները: Դա այնպիսի ցավ է առաջացնում, որից տառապում են ծննդաբերող կանայք:
Դրանից առաջ՝ Մոր օրվա կապակցությամբ տեղական հեռուստաալիքով ծննդաբերության ցավերը զգալու համար ռեալիթի շոուին 20 տղամարդ է մասնակցել: Տղամարդկանց մոտ ցավերը 30 վայրկյան են տևել, այնինչ շատ կանայք ժամերով տառապում են դրանցից:
Նրանք բոլորն էլ ավելի ուշ խոստովանել են, որ դրանք չափազանց ուժեղ ցավեր են և իրականում դժվար է դրանց դիմանալ:
