ԱՄՆ Սան Ֆրանցիսկո քաղաքում կնոջը դատապարտել են ավելի քան 16 տարվա ազատազրկման կեղծ համալսարան ստեղծելու համար, որը որպես թաքստոց էր ծառայում էմիգրացիոն խաբեբաների համար՝ հաղորդում է Associated Press-ը:
Սյուզան Սյաո-Պին Սուն՝ Փլեզանթոնում Թրի Վելլի կեղծ համալսարանի հիմնադիրը և նախագահը, նաև պարտավորվել է վճարել 5.6 մլն դոլար՝ որպես տուգանք և ևս 900 հազար դոլար՝ որպես փոխհատուցում:
Կեղծ համալսարանի մի քանի աշխատակիցներ խոստովանել են, որ համալսարանում չեն եղել դիպլոմային և ընդունելության պահանջներ՝ նշելով, որ մեղադրյալն իրենց հանձնարարել է պատրաստել սղագրություններ և այլ փաստաթղթեր:
Հետաքննության տվյալներով՝ Սուն վաճառել է այցագրեր, որոնք օտարերկրացիներին, հիմնականում հնդիկ քաղաքացիներին, թույլ են տվել ապրել ԱՄՆ-ում:
