Ռումինիայի վարչապետ Վիկտոր Պոնտան նախագահական ընտրություններում առաջատարն է՝ ձայների 17 տոկոսի հաշվարկման արդյունքում:
Reuters-ի փոխանցմամբ՝ Պոնտայի օգտին է քվեարկել ընտրողների 37.5 տոկոսը, իսկ Սիբիու քաղաքի քաղաքապետ Կլաուս Յոհանիսի օգտին՝ 30.3 տոկոսը: Ինչպես սպասվում է՝ Պոնտան և Յոհանիսը կհանդիպեն ընտրական երկրորդ փուլում:
Կիրակի կայացած նախագահական ընտրություններում բարձրագույն պաշտոնի համար պայքարել են 14 թեկնածուներ: Գործող նախագահ Տրայան Բեսեսկուն իշխանության ղեկին է 2004 թվականի դեկտեմբերի 20-ից:
Եթե առաջատարներից ոչ ոք չհավաքի 50 տոկոս+1 ձայն, նոյեմբերի 16-ին կանցկացվի ընտրական երկրորդ փուլ:
