Լիտվայի բանակի 2 պոլիգոններում հանգստյան օրերին կսկսվեն այս տարվա ամենամասշտաբային «Երկաթե սուր 2014» զորավարժությունները: Այս մասին հայտնում է ru.delfi.lt-ը:
Լիտվայի բանակի կազմակերպած զորավարժություններին կմասնակցի 2 500 զինվորական ՆԱՏՕ-ի անդամ 9 երկրից: «Երկաթե սուր 2014» զորավարժությունները կանցկացվեն նոյեմբերի 2-14-ը: Դրանց կմասնակցեն զինվորականներ Չեխիայից, Էստոնիայից, ԱՄՆ-ից, Մեծ Բրիտանիայից, Կանադայից, Լիտվայից, Լյուքսեմբուրգից, Հունգարիայից և Գերմանիայից: Ամենաշատը՝ 1900 հոգի, կլինեն լիտվացի զինվորականները: Լյուքսեմբուրգից զինվորականների համար դա իրենց երկրի սահմաններից դուրս առաջին զորավարժությունը կլինի:
Զորավարժությունները կանցկացվեն Գայժյունայի և Պաբրադեի պոլիգոններում:
