«Կարծում եմ՝ եռյակի համար էլ պարզ չեն պահանջները, որովհետև երեք տարբեր պահանջ կա. մի ուժը ցանկանում է եվրաինտեգրում, մյուսը՝ վիրտուալ իշխանափոխություն, մյուսը՝ կոնկրետ իշխանափոխություն, իսկ թե ինչ եզրահանգման կգան՝ ժամանակը ցույց կտա»,- «Առաջին լրատվական»-ի հետ զրույցում ասաց ԱԺ պատգամավոր Ալեքսանդր Արզումանյանը:
Անդրադառնալով 2008-ի և այս շարժման տարբերություններին՝ Ալեքսանդր Արզումանյանը նշեց. «2008-ին կար կոնկերտ ծրագիր, կոնկրետ տեսլական, իսկ այս պարագայում ժողովուրդը այնտեղ հավաքվում է որպես ստատիստ, որին ասվում է՝ մենք կասենք ձեզ՝ ինչ անեք»,-ասաց նա՝ հավելելով, որ չկա ամենակարևորը՝ գաղափարը, տեսլական, թե հանուն ինչի:
Արդյո՞ք խնամին խնամու հրաժարականը կպահանջի՝ հարցրինք։ «Դա քաղաքական կատերգորիա չէ, մեր 23-ամյա պատմությունը ցույց է տվել, որ խնամիական հարաբերությունները չեն գործում Հայաստանում: Բազմաթիվ հին խնամիներ կան, որ բանտերում են եղել»,- հավելեց Ալեքսանդր Արզումանյանը:
Ավելին՝ տեսանյութում: