«Մանչեսթեր Սիթի»-ի կիսապաշտպան Դավիդ Սիլվան Անգլիայի լիգայի գավաթի խաղարկության շրջանակներում կայացած «Նյուքասլ»-ի հետ խաղում ծնկի վնասվածք է ստացել:
«Քաղաքայիններ»-ը դուրս մնացին պայքարից՝ վերջին 14 տարիներին առաջին անգամ «Նյուքասլ»-ին սեփական հարկի տակ պարտվելով առաջին անգամ: Խաղավարտին վնասվածք ստացավ Սիլվան:
Այսպիսով՝ «Մանչեսթեր Յունայթեդ»-ի հետ կայանալիք դերբիից 4 օր առաջ «Սիթի»-ն կորցրեց առանցքային կիսապաշտպաններից մեկին: Վերականգնման հստակ ժամկետը հայտնի կդառնա բուժզննումից հետո:
«Նրան խաղադաշտ դուրս չբերելու պատճառ չկար: Հաջորդ խաղից առաջ նա 4 օր ուներ վերականգնվելու համար: Նա պատրաստ էր խաղալ, այդ իսկ պատճառով ես նրան խնայելու պատճառ չունեի»,- խաղից հետո Guardian-ի հետ զրույցում ասել է «Մանչեսթեր Սիթի»-ի գլխավոր մարզիչ Մանուել Պելեգրինին:
Հավելենք, որ վերոգրյալ խաղում վնասվածքի պատճառով խաղը չկարողացավ ավարտել նաև Յայա Տուրեն:
