Lufthansa ավիակոնցեռնը 2014թ. օդաչուների գործադուլների պատճառով 170 մլն եվրո է կորցրել՝ ասվում է կոնցեռնի մամլո ծառայության հաղորդագրությունում: Այս մասին հայտնում է RIA Novosti-ն:
Չնայած կորուստներին՝ Lufthansa-ն սպասում է, որ օպերատիվ շահույթը կկազմի մոտ 1 մլրդ եվրո:
Նշվում է, որ եկամտի տարեկան պլանում չեն հաշվարկվում հնարավոր նոր գործադուլների հետևանքները:
Եկամուտն այս տարվա առաջին 9 ամսիներին անցած տարվա նույն ժամանակահատվածի համեմատ աճել է 186 մլն եվրոյով:
Տարվա ընթացքում անցկացվել է մոտ 10 գործադուլ: Օդաչուները բողոքել են թոշակի վաղաժամ անցնելու իրավունքների չեղարկման դեմ:
