YouTube-ը 2005 թ. ապացուցել է, որ սոցիալական ցանցերը այն երևույթներն են, որոնք ընդունակ են փոխել աշխարհը: Օգտատերերը կարող են ներբեռնել, դիտել տարածել տեսանյութերը Adobe Flash և HTML5 տեխնոլոգիաների օգնությամբ: Իսկ դա նշանակում է, որ հասանելի են դառնում տեսանյութեր, տեսաբլոգեր և սիրողական կարճամետրաժներ: Ներկա դրությամբ, YouTube-ի աստղ կարող է դառնալ ցանկացած մեկը, նրա տեսանյութը դիտում և մեկնաբանում են ամբողջ աշխարհում: Խելացի բրենդները արդեն օգտվում են այդ հնարավորությունից՝ տարածելով իրենց տեսահոլովակները «յութուբյան» ալիքների օգնությամբ:
Ձեզ ենք ներկայացնում կայքում 2012 թ. հունվարի 1-ից մինչև դեկտեմբերի 12-ը ամենատարածված գովազդային տեսահոլովակները:
1. Nike Football-ը գիտի ինչպես կապ հաստատել իր երկրպագուների հետ:
Տեսանյութը դիտել են 20926700 անգամ, և այդ կերպ այն դարձել է ամենատարածվածը YouTube-ում 2012 թ.: Տարօրինակ չէ, որ երկրպագուներին դուր է եկել տեսանյութը, քանի որ Nike-ը այդ տեսանյութում այնպիսի ֆուտբոլիստների է նկարահանել, ինչպիսիք են Ուեսլի Շնայդերը, Ֆրանկ Ռիբերին, Խավիեր «Չիչարիտո» Ֆերնանդեսը: Nike-ը կարողացել է կապ հաստատել երկրպագուների հետ շնորհիվ մեկ տեսահոլովակի:
2. Pepsi. Փորձը ոչ մի տեղ չի կորչի, եթե շարունակեք խաղալ
Pepsi-ն իրավամբ զբաղեցնում է երկրորդ տեղը YouTube-ի կոմերցիոն տեսահոլովակների շարքում, քանի որ նրա տեսահոլովակը հաշվում է 17.997.828 դիտում: Այս տեսանյութում նկարահանվել է պրոֆեսիոնալ բասկետբոլիստ Քայրի Իրվինգը, որը հանդես է եկել ծերունու դերով: Ամբողջ գովազդի ընթացքում կարմիր թելի նման անցնում է այն միտքը, որ փորձը ոչ մի տեղ չի անհետանա, եթե դուք սիրում եք խաղալ: Pepsi-ին ապացուցել է դա YouTube-ում:
3. Rock Star Games. Պահեք խաղացողներին լարվածության մեջ
Rock Star Games-ը հրապարակել է YouTube-ում իր՝ համբավով երրորդ տեսանյութը, որը հավաքել էր 15.530.744 դիտում: Այդ գովազդը Grand Theft Auto V վիդեոխաղինն է: Գեյմերների շրջանում այս անունը ճանաչված բրենդ է, և գովազդը միայն մեծացրել է խաղի դուրս գալուն սպասելու լարվածությունը:
4. Chrysler և Քլինթ Իսթվուդ
Ավտոմեքենա արտադրող հսկա Chrysler-ը տեղադրել է տեսահոլովակ, որը դիտել են 11.290.898 անգամ: Իր գովազդը ընկերությունը նկարահանել է՝ ի պատասխան Դեյթրոյտի ավտոարտադրությունում ճգնաժամի: Եվ չնայած տեսանյութը նախատեսված էր առաջին հերթին ամերիկացիների համար, նրանում առկա ուղերձը հասկանալի է նաև մնացած ամբողջ աշխարհին: Ամբողջ ազգի հետ խոսելու համար, որպես իր ներկայացուցիչ, ընկերությունը ընտրել է Քլինթ Իսթվուդին, ոչ միայն դերասանի, այլև իրական հերոսի:
5. Nike Football. Հարցը սպորտային կոշիկներն են
Հինգերորդ տեղում է Nike Football-ը, այն տեսահոլովակով, որը հավաքել է 10.062.000 դիտում: Ընկերությունը այստեղ ներկայացնում է իր նարնջագույն սպորտային կոշիկները պորտուգալացի ֆուտբոլիստ Քրիշտիանու Ռոնալդուի և իսպանացի թենիսիստ Ռաֆայել Նադալի մասնակցությամբ, որոնք հանդիպել են միմյանց հետ և ցույց են տվել այն ամենը, ինչի ընդունակ են: Գովազդից երկրպագուները իմացել են, որ հարցը սպորտային կոշիկներն են, որոնք կարող են ցանկացած մեկին հաղթանակ բերել:
