Պուտինի մոտ շրջապատում պայքարը դանդաղեցնում է որոշումների ընդունումն այն ժամանակ, երբ պատժամիջոցները ճզմում են երկրի տնտեսությունը: Այս մասին, հղում անելով Պուտինին մոտ 5 տարբեր պաշտոնյաների, գրում է Bloomberg գործակալությունը:
Մինչ Ռուսաստանի նախագահ Վլադիմիր Պուտինը կենտրոնացած է արտաքին քաղաքականության վրա, մրցակից խմբերը պայքարում են ազդեցության համար և զբաղված են ներքին խնդիրներով՝ գործակալությանը պատմել են անանուն աղբյուրները:
Մի խումբը, որի կենտրոնում է վարչապետ Դմիտրի Մեդվեդևը, անհանգստացած է համաշխարհային ֆինանսական համակարգից Ռուսաստանի օտարման սաստկացմամբ: Մյուսը, որը ներառում է պետական ընկերությունների ղեկավարների և հատուկծառայութունների վետերաններին, հանդես է գալիս ռուսական տնտեսության նկատմամբ պետական վերահսկողության ուժեղացման օգտին:
Ուկրաինական ճգնաժամը երկրին էլ ավելի խորն է հրում դեպի ԱՄՆ-ի և նրա դաշնակիցների հետ դիմակայության մեջ:
Երեքշաբթի Մոսկվայի բորսայում առևտրային օրվա արդյունքներրով եվրոյի փոխարժեքը հասել է 54 ռուբլու մակարդակի՝ սահմանելով հերթական ռեկորդը: Դոլարի փոխարժեքը նույնպես հասել է պատմական առավելագույն ցուցանիշի՝ 42.47 ռուբլի:
Նավթի գնի անկման հետ կապված՝ ռուբլին շարունակում է արժեզրկվել: Ինչպես կարծում են Financial Times պարբերականի վերլուծաբանները, Կենտրոնական բանկի գործողությունները կարող են երկիրը պահել տանելի մակարդակում ոչ ավելի, քան մինչև տարեվերջ:
