style.rbc.ru-ն կազմել է գիշերային կյանքի համար ամենահարմար քաղաքների վարկանիշային աղյուսակը, որն էլ ներկայացնում ենք ձեր ուշադրությանը:
Ցանկում առաջին տեղն զբաղեցնում է Լաս Վեգասը, որը ներկայացնում է զվարճանքների բոլոր հնարավոր ու անհնար հաճույքները՝ ըմպելիքներ, մոլեխաղեր, սթրիփ-ակումբներ և այլն:
Զբոսաշրջիներին առաջարկվում է Մեղքերի քաղաքի Strip անվանումով շրջանը, որտեղ հնարավոր է գտնել բազմաթիվ հյուրանոցներ, խաղատներ ու ակումբներ: The Palm-ում հնարավոր է հարմարավետ հանգստանալ շքեղ համարներում, ապա բախտը փորձել խաղատներում կամ վայելել գիշերային կյանքը Ghostbar կամ Rain հյուրանոցների ակումբներում:
Երկրորդ տեղը բաժին է հասել Իբիցային: Իսպանական այդ կղզին հայտնի է իր բազմաթիվ գիշերային ակումբներով, որտեղ հնչում է ամենատարբեր ոճերի էլեկտրոնային երաժշտություն: Իբիցայի ամենահայտնի ակումբներն են Space-ը, Pacha-ն, Privilege-ն ու Amnesia-ն: Իբիցան հայտնի է նաև իր գեղեցիկ բնությամբ, հիանալի լողափերով:
Պատվավոր եռյակը եզրափակում է Ռիո դե Ժանեյրոն: Բրազիլական այս մեգապոլիսում հնարավոր է պարել, սիրաբանել, խմել ամբողջ տարին, ընդ որում՝ բավական մատչելի գներով:
4-րդ հորիզոնականում Ամստերդամն է, որտեղ հնարավոր է օրինական եղանակով ձեռք բերել թմրադեղեր, օգտվել Կարմիր լապտերների փողոցի մարմնավաճառների ծառայություններից:
Ամստերդամին հաջորդում է Լոնդոնը, որը զբոսաշրջիկներին գրավում է իր փաբերով: Նրանք, ովքեր սիրում են բարձրաշխարհիկ հաճույքներ, կարող են բախտը փորձել Քենինգսթոնի Boujis գիշերային ակումբում, որը Մեծ Բրիտանիայի արքայազններ Ուիլյամի ու Հարրիի սիրած վայրն է:
Լոնդոնում կան նաև շատ այլ շքեղ ակումբներ, օրինակ՝ Mahiki-ն կամ Cuckoo Club-ը, իսկ մոլեխաղերի սիրահարների համար կան հիանալի խաղատներ:
6-րդ հորիզոնականում Մայամին է, որը հայտնի է իր բազմաթիվ գիշերային ակումբերով, հանրաճանաչ Մայամի Բիչով: Զվարճանքների սիրահարներին կարելի է խորհուրդ տալ Skybar-ը Shore Club հյուրանոցում, որը միավորում է 4 շքեղ բարեր:
Դուբլինը ևս հայտնվել է գիշերային կյանք վարելու համար ամենահարմար քաղաքների վարկանիշային աղյուսակում: Իռլանդացիները սիրում են լավ խմել, ինչը խոստանում է բուռն գիշերային կյանք: Խորհուրդ է տրվում այցելել Temple Bar շրջանը, որտեղ կան հարյուրավոր փաբեր ու բարեր, օրինակ՝ Temple Bar Pub-ը կամ Doheny & Nesbitt-ը: Այստեղ հնարավոր է խմել իռլանդական վիսկի, իգա պարել ու տրվել անմեղ հաճույքների:
8-րդ տեղում Նյու Յորքն է՝ քաղաք, որը երբեք չի քնում: Գիշերային կյանքի սիրահարների համար կան բազմաթիվ բարեր: Նյու Յորքը նաև դիսկոյի հայրենիքն է՝ հայտնի Studio 54 ու Bungalow 8 ակումբներով:
Մոսկվան նույնպես հայտնվել է գիշերային կյանքի համար ամենահարմար քաղաքների վարկանիշային աղյուսակում (10-րդ հորիզոնական):
Մոսկվայում կարելի է այցելել Կարմիր հրապարակի հարևանությամբ գտնվող ակումբ-ռեստորաններ, իսկ գեղեցիկ կանանցով հիանալու համար կան բազմափիվ սթրիփ-ակումբներ:
Վարկանիշային աղյուսակը եզրափակում է Կաբո-Սան-Լուկասը՝ Մեքսիկայի ամենահայտնի ծովային հանգստավայրերից մեկը, որտեղ հնարավոր է հիանալի ժամանակ անցկացնել լողափերում, զբաղվել սերֆինգով:
Ապա գիշերային անմոռաց կյանք կարելի է վարել El Squid Roe կամ Cabo Wabo Cantina բարերում, Giggling Martin, Rio Grill ու Body Shot գիշերային ակումբներում:
