Շաբաթ օրը Հնդկաստանի մայրաքաղաքի կենտրոնական փողոցում հարյուրավոր մարդիկ հավաքվել են վերջերս Սինգապուրում մահացած ուսանողուհու ընտանիքին զորակցություն հայտնելու։ Աղջկիկը խնբակային բռնաբարության էր ենթարկվել։
Մահցած աղջիկը 23 տարեկան էր, սովորում էր Ջավահարլալ Ներուի անվան համալսարանում։ Նրա իսկական անունը չի հայտնվում, փոխարենը ԶԼՄ-ներում նրան կոչում են պայմանական Ամանաթ անվամբ։
Քաղաքի կենտրոնը լցված է մահակներով և մասամբ հրազենով զինված ոստիկանության աշխատակիցներով։ Ճամփեզրերում տեղադրված են հատուկ տեխնիկաներ, զինամեքենաներ, ջրցան հարմարություններ և թափանցիկ վահաններ։ Անցած շաբաթվա հանգստյան օրերին ոստիկանության հետ սուր բախումներ են տեղի ունեցել, տուժել է 200 մարդ, զոհվել է մեկ ոստիկան։
Ամանաթին դեկտեմբերի 16-ին Նյու Դելիում ավտոբուսի մեջ վեց տղամարդ բռնաբարության և ծեծի էին ենթարկել։ Աղջկա առողջական վիճակը գնալով վատթարացել էր, որի համար նրան տարել էին Սինգապուրի լավագույն հիվանդանոցներից մեկը, սակայն կյանքը փրկել չի հաջողվել։
Մարդիկ բողոքի մեծ ցույցեր են սկսել կազմակերպել Հնդկաստանի մի շարք քաղաքներում։ Նրանք պահանջում են ոչ միայն մահապատժի ենթարկել հանցագործներին, այլ նաև կանաց իրավունքների պաշտպանության միջոցների խստացում։ Կառավարությունը խոստացել է բավարարել ցուցարարների պահանջները։ Բռնաբարողների դատը կլինի հունվարի 3-ին։
