Նախկին վարչապետ Հրանտ Բագրատյանը «Առաջին լրատվական»-ի հետ հեռախոսազրույցում ասաց, որ չի ցանկանում մեկնաբանել 2013 թ. նախագահական ընտրությունների հետ կապված Հայ ազգային կոնգրեսի որոշումը:
Հիշեցնենք, որ քիչ առաջ ՀԱԿ-ը հայտարարություն տարածեց, թե չի առաջադրելու և որևէ թեկնածուի չի սատարելու: Այսինքն՝ ՀԱԿ-ը չի սատարելու Հ. Բագրատյանին:
Իսկ հնարավո՞ր է, որ ՀԱԿ-ի այս որոշումից հետո Հ. Բագրատյանը փոխի իր որոշումը և չառաջադրվի: «Բացառված է»,- ասաց նա: Այդ դեպքում ե՞րբ է ԿԸՀ ներկայացնելու առաջադրվելու հետ կապված փաստաթղթերը: «Այսօր-մյուս օրը»,- եզրափակեց նա:
