Ադրբեջանական Turan լրատվական գործակալության փոխանցմամբ՝ այս տարի կրճատվել է ադրբեջանական նավթի ու գազի արտահանումը: Այս մասին հայտնել է Ադրբեջանի Պետական մաքսային կոմիտեն:
Վերջինիս տվյալներով՝ դեկտեմբերի 1-ի դրությամբ ադրբեջանական գազի արտահանումը կազմել է 6 միլիարդ 144 միլիոն 147.9 հազար խորանարդ մետր: Դա 3.4 տոկոսով ավելի պակաս է՝ համեմատած նախորդ տարվա նույն ժամանակահատվածի հետ: Նախորդ տարի ադրբեջանական գազի արտահանումը կազմել է 7 միլիարդ 92 միլիոն 209 հազար խորանարդ մետր:
Ադրբեջանական գազն արտահանվում է Ռուսաստան, Իրան և Վրաստան, ինչպես նաև Թուրքիա՝ «Բաքու-Թբիլիսի-Էրզրում» գազատարով: Ադրբեջանի արտահանման մեջ նավթի մասնաբաժինը կազմում է 85.03 տոկոս, նավթամթերքներինը՝ 5.5 տոկոս, գազինը՝ 2.54 տոկոս: