Վենեսուելայի ընդդիմադիր ուժերի ներկայացուցիչները պահանջում են նախագահ Ուգո Չավեսի, որը Հավանայում վերականգնողական փուլում է գտնվում օրեր առաջ տարած վիրահատությունից հետո, համակողմանի բուժզննում իրականացնել: Նրանք պահանջում են հավաստել, թե արդյոք վերջինս կարո՞ղ է շարունակել իրականացնել նախագահի լիազորությունները,- չորեքշաբթի հաղորդում են մեքսիկական լրատվամիջոցները:
Ընդդիմությունը հայտարարել է, որ պաշտոնական տեղեկությունները երկրի ղեկավարի առողջական վիճակի մասին շատ քիչ են:
«Այն, ինչը որ չկա, վենեսուելացիներին ճիշտը ասելու ցանկությունն է»,- հայտարարել է վենեսուելական ընդդիմադիր պատգամավոր Խուլիո Բորհեսը:
Եվս մեկ ընդդիմադիր գործիչ՝ Կառլոս Վեկկիոն, Գերագույն դատարանից պահանջել է ստեղծել բժշկական կոմիտե Չավեսի առողջական վիճակը հաստատելու համար, ինչպես նաև Կուբա խառը պատգամավորական խումբ ուղարկել, որը հենց դեպքի վայրում կարող է ծանոթանալ վենեսուելական առաջնորդի առողջական վիճակին: «Մեզ ասում են, որ նախագահը զանգահարում է Մադուրոյին (երկրի փոխնախագահ), այն դեպքում, երբ նա սովորաբար անձամբ էր զանգում VTV, իսկ այս անգամ նա դա չի արել»,- ասել է պատգամավոր: