comScore հետազոտական ընկերության տվյալներով 2012 թվականին սոցիալական ցանցերում ամենաշատ ժամանակ անցկացնելու ցուցանիշով առաջատարը Արգենտինան է: Այդ երկրի միջին օգտատերը սոցցանցում անցկացնում է ամսական 9.8 ժամ: Այս մասին հայտնում է Vesti-ն:
Երկրորդ հորիզոնականում ևս մեկ լատինաամերիկյան երկիր է՝ Բրազիլիան (9.7 ժամ): Ռուսաստանը, որն անցած տարի առաջին տեղում էր, 2012-ի տվյալներով հայտնվել է երրորդ հորիզոնականում (9.6 ժամ): Հնգյակը եզրափակում են Թաիլանդը (8.7 ժամ) և Թուրքիան (8.6): Տասնյակում են ընդգրկվել Իսրայելը (8.2), Կանադան (7.9), Պերուն (7.9), Չիլին (7.7) և Մեքսիկան (7.5).
comScore-ի տվյալներով՝ Հարավային Ամերիկայի 15 և բարձր տարիքի բնակիչները առավել հաճախ մտնում են Facebook (115 մլն՝ նոյեմբերին), LinkedIn (35 մլն) և Twitter (24 մլն):
