Անցած սեպտեմբերը եղել է ամենատաքը 1880 թվականից սկսված դիտարկումների պատմության մեջ: Այս մասին են վկայում ամերիկյան աերոտիեզերական NASA գործակալության հրապարակած տվյալները՝ փոխանցում է The Huffington Post-ը: Այսպիսով գրանցվել է ռեկորդային տաք ամիսների շարունակման միտում: Նախկինում հաղորդվել էր անհամեմատ տաք մայիսի և օգոստոսի մասին:
Նշվում է, որ ըստ ամենայնի՝ 2014-ը կդառնա դիտարկումների պատմության ամենատաք տարին:
NASA-ի տիեզերական ուսումնասիրությունների Գոդարդ ինստիտուտի կլիմայագետ Գևին Շմիդտի խոսքով՝ չնայած ջերմաստիճանային ռեկորդները կարևոր նշանակություն ունեն, սակայն դրանք ընդհանուր կլիմայական տաքացման միտման մի մասն են միայն: Նրա խոսքով՝ պետք չէ կենտրոնանալ մեկ ամսվա կամ տարվա վրա, այլ մարդկային գործոնի պատճառով կլիմայական փոփոխությունների:
