Մեքսիկայի Չիլպանսինգո քաղաքում ցուցարարները հրկիզել են Գերերո նահանգի կառավարության շենքը: Այս մասին հայտնում է El Universal-ը:
Մոտ 100 ուսանողներ և մանկավարժներ պահանջել են պարզաբանումներ՝ կապված զանգվածային գերեզմանոցների հայտնաբերման հետ:
Ոչնչացվել են երկու կառավարական ավտոմեքենաներ, հրկիզվել են պաշտոնական փաստաթղթեր:
Ակցիան տևել է մոտ 5 ժամ:
Մեքսիկական Իգուալա քաղաքում անկարգություններից հետո 43 ուսանող էր անհետացել: Ավելի ուշ քաղաքից դուրս հայտնաբերվել էր զանգվածային գերեզմանոց՝ 28 չճանաչված դիերով:
