Պարզվել է, որ Լեդի Գագայի նոր օծանելիքները Մեծ Բրիտանիայում ամենահայտնին են: Poker face հիթը կատարող երգչուհին, ինչպես հայտնում է Starbloid-ը, այս տարվա հուլիսին թողարկել է The fame օծանելիքը: Ըստ հարցման արդյունքների, որպես սուրբծննդյան նվեր՝ մարդիկ ընտրել են հենց այս բույրը:
Մեծ Բրիտանիայի The Fragrance shop կոսմետիկ միջոցների խանութների ցանցի հաշվարկներով՝ The fame-ի վաճառքը կազմել է երկրի ամենանշանավոր խանութների վաճառքի 19 տոկոսը:
Ջեյմս Բոնդի «007» օծանելիքը զբաղեցրել է երկրորդ տեղը, որին հետևել է Բրիթնի Սփիրսի Midnight fantasy բուրմունքը: Ամենահայտնի օծանելիքների տասնյակում են Մադոննայի Truth or Dare-ը և Steps խմբի Guilty Pleasure-ը:
