Որպես երևանյան բակային զվարճանքների մի բաղկացուցիչ՝ «Էրեբունի-Երևան 2796» տոնակատարության ծրագրում ներառվել է նաև լարախաղացությունը: «Էրեբունի» պատմահնագիտական արգելոց-թանգարանին հարակից տարածքում ներկա գտնվողներին հաճելի լարվածության մեջ է պահել արհեստավարժ լարախաղաց Վլադիմիր Հակոբյանի խումբը:
Վերջինս, ի դեպ, Հայաստանի ամենատարեց լարախաղացն է: Լարախաղացները տոնական ելույթի առիթով բարդ հնարքներով հագեցած հատուկ ծրագիր են ներկայացրել, այնուհետ անդրադարձել լարախաղացության տարածման պատմությանն ու, մասնավորապես, երևանյան ավանդույթներին: Երևանի քաղաքապետարանի կողմից տոնական ծրագրում լարախաղացներին ներառելու այս նախաձեռնության հիմքում նաև լարախաղացության երբեմնի տարածվածությունը վերականգնելն է: