Գլաուկոման տեսողական նյարդի հիվանդություն է, երբ ինչ-ինչ պատճառներով աչքը սկսում է ենթարկվել ատրոֆիայի, այսինքն՝ հետ զարգանալ, թուլանալ: Սակայն տեսողական նյարդի սովորական վնասվածքը դեռ գլաուկոմա չի: Գլաուկոման լինում է՝
1. Առաջնային
2. Երկրորդային
3. Բնածին
Մանուկների մոտ նույնպես հանդիպում է այս հիվանդությունը, բայց այս պահին գործ ունենք այնպիսի գլաուկոմայի հետ, որն առաջացել է տարիքի հետ:
Երբ տեսողական նյարդի կեսից ավելին վնասված է, այսինքն՝ զարգացած է գլաուկոման, բարձր է ներակնային ճնշումը, այլևս ենթակա չէ դեղորայքային, լազերային կամ շունտավորման բուժման, ուստի պետք է այն վերացնել վիրահատական միջամտությամբ՝ օգնել, որ ներակնային ճնշումն իջնի և պահպանվի նորմայի սահմաններում:
Վիրահատությունը կատարվում է հետևյալ կերպ. աչքի ներսում հատուկ տեղ են բացում շերտերով՝ այնպես, որ ներակնային ճնշումը ոչ շատ արագ անընդհատ կարողանա դուրս գալ և թույլ տալ, որ տեսողական նյադը, որը բարձր ճնշումից վնասվում է, ապաքինվի, այլ կերպ ասած՝ «արթնանա»:
Վիրահատությունը կատարում է Ս. Վ. Մալայանի անվան բժշկական կենտրոնի Գլաուկոմայի բաժանմունքի վարիչ, ԵՊՀ Ակնաբուժության ամբիոնի դոցենտ, Բժշկական գիտությունների թեկնածու Լիլիթ Ալբերտի Ոսկանյանը: