Motorola Mobility ընկերության ինժեներները, ովքեր Google-ի կազմում են, ձեռնամուխ են եղել նոր գաղտնի սմարթֆոնի ստեղծման աշխատանքներին: Ընկերությունում նախագիծը հայտնի է որպես X Phone: Նոր հեռախոսի մասին հայտնի է միայն այն, որ այն տարբերվելու է ԱՄՆ-ում Verizon Wireless-ի միջոցով վաճառվող հեռախոսներից:
Motorola ընկերության ղեկավար Դենիս Վուդսայդն ասել է, որ ընկերությունը ստեղծում է «բոլորովին այլ բան»: X Phone կունենա նորարարական տեսախցիկ: Նման ենթադրությունը կապված է հոկտեմբերին Viewdle-ի ձեռք բերմամբ, որը տարբերակում է դեմքերն ու ժեստերը: Motorola-ին կարող են օգնել նաև վերջերս իրականացված ճկուն դիսփլեյի և կերամիկական շրջանակի փորձարկումները:
Բացի դա՝ այս գործին կարող է մասնակցություն ունենալ Բրայն Ուոլսը, ում Google-ն իր մոտ է տեղափոխել Samsung-ից: Այնտեղ նա զբաղեցնում էր ռազմավարական մարքեթինգի գծով փոխնախագահի պաշտոնը, որը նաև կզբաղեցնի Google-ում: Մինչ այդ նա աշխատել է Research in Motion-ում:
Չնայած Google-ի հետ իր մտերմությանը և Android նորագույն համակարգի հասանելիությանը, Motorola Mobility-ն 3%-ով ավելի քիչ է «գուգլոֆոնի» մատակարարումը իրականացրել: Ժամանակակից Android սմարթֆոն Nexus 4-ը, որը ստեղծվել է 2012թ-ի նոյեմբերին, Google-ը ստեղծել է LG-ի հետ համատեղ:
