Ամերիկյան դերասան Էշթոն Քատչերը ուրբաթ Լոս Անջելեսի դատարան է ներկայացրել փաստաթղթերի մի փաթեթ` հոլիվուդյան աստղ Դեմի Մուրի հետ ամուսնալուծությունը գրանցելու համար:
Դրանցում մասնավորապես նշվում է, որ դերասանը չի պատրաստվում ամուսնալուծությունից հետո տիկնոջ կողմից ֆինանսական աջակցության հավակնել:
Մուրն ու Քատչերը վեց տարվա համատեղ կյանքից հետո բաժանվել են 2011թ.-ի նոյեմբերին: Ընտանիքում վեճերի պատճառն այն էր, որ 33-ամյա Էշթոնը տարված էր 23-ամյա դերասանուհի Սառա Լիլով:
Ամուսնալուծությունը նախաձեռնել է հենց Դեմին՝ նշելով, որ մեծ ցավով ու ափսոսանքով որոշել է վերջ դնել վեցամյա ամուսնությանը:
Իր հերթին Քատչերը նշել է, որ միշտ կհիշի Դեմիի հետ անցկացրած ժամանակը:
«Ամուսնությունը ամենաբարդ բանն է աշխարհում, և հաճախ այն քանդվում է»,- ասել է Քատչերը:
Ներկայում դերասանը հանդիպում է դերասանուհի Միլա Կունիսի հետ:
2005թ.-ին կայացած Մուրի և Քատչերի ամուսնությունը ուշադրություն էր գրավել` ամուսինների միջև տարիքային տարբերությունը 16 տարի է:
