Թուրքիան և Ադրբեջանը համատեղ նախագծերի իրագործման շրջանակում ստեղծել են էներգետիկ միջանցք, որը միացնում է Արևելքն ու Արևմուտքը: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ տեղեկացնում է TRT Haber-ը:
Նրա խոսքով՝ դրա վառ օրինակ են այնպիսի նախագծեր, ինչպիսիք են Բաքու-Թբիլիսի-Կարս երկաթուղին և Բաքու-Թբիլիսի-Ջեյհան նավթատարը:
Էրդողանը նկատել է, որ TANAP նախագօծը, որը գտնվում է իրագործման փուլում, նույնպես ունի հատուկ նշանակություն աշխարհի էներգետիկ ապահովման համար:
TANAP-ը նախատեսում է ադրբեջանական «Շահ Դենիզ» հանքավայրից մինչև Եվրոպայի սահմաններ Թուրքիայի տարածքով գազի տեղափոխում:
Գազատարի սկզբնական թողունակությունը, ինչպես սպասվում է, տարեկան կկազմի 16 մլրդ խորանարդ մետր գազ: Մոտ 6 մլրդ խորանարդ մետրը կմատակարարվի Թուրքիա, մնացածը՝ Եվրոպա:
