Բելգրադի կենտրոնում 2010 թվականից ի վեր առաջին անգամ գեյ-շքերթ է անցկացվել, հայտնում է Associated Press-ը:
Մի քանի հարյուր գեյ ակտիվիստներ են անցել Սերբիայի մայրաքաղաքի դատարկ փողոցներով՝ միլիցիայի մոտ 1000 աշխատակիցների հսկողության ներքո:
Միասեռականներին ազգայնականներից պաշտպանելու համար իրավապահները զինված են եղել ջրային փամփուշտներով ու զրահամեքենաներով:
Նշվում է, որ ազգայնականների ու միլիցիայի աշխատակիցների միջև գրանցվել են բախման առանձին դեպքեր:
Շքերթին մասնակցել է նաև Սերբիայի մշակույթի նախարար Իվան Տասովացը, Բելգրադի քաղաքապետ Սինիշա Մալին:
«Սա մեր շանսն է ապացուցելու, որ Բելգրադը համաշխարհային մայրաքաղաք է, որտեղ նրա բոլոր քաղաքացիները հավասար են»,- հայտարարել է Սերբիայի մայրաքաղաքի քաղաքապետը:
Նախօրեին Բելգրադում տեղի է ունեցել գեյ շքերթի անցկացման դեմ ուղղված բազմահազարանոց երթ:
