Հոկտեմբերի կեսերին ԱՄՆ-ի Արևելյան ափին «Սենդի» փոթորկից տուժածներին օգնելու նպատակով անցած շաբաթ անցկացված 12-12-12 բարեգործական համերգի ժամանակ Քանյե Ուեսթը միակ տղամարդ կատարողն էր, որը հանդես է եկել կիսաշրջազգեստով: Այս մասին հայտնում է Billboard.com-ը և հավելում, որ հավանաբար դա չէ պատճառը, որ նրան չեն պատկերել միջոցառման ալբոմի շապիկին, որտեղ նույնիսկ հյուրերը՝ Մայքլ Ստայպը, Էդի Վեդերն ու կատակերգու Ադամ Սենդլերն են ներկայացված:
Քանյե Ուեսթի ներկայացուցիչները և ալբոմը թողարկողները չեն պատասխանել այդ միջադեպը մեկնաբանելու Billboard-ի խնդրանքին:
Մեկ այլ աղբյուր Billboard-ին հայտնել է, որ ալբոմի շապիկին չներկայացվելու որոշումը ստացվել է Քանյեյի ճամբարից, սակայն չի հստակեցրել` պատճառը անձնակա՞ն, իրավակա՞ն, թե՞ այլ բնույթի է:Այլ աղբյուրներ հայտնել են, որ հավանաբար նրան իր ելույթը չի գոհացրել:
Նշենք, որ համերգի թվային տարբերակը հասանելի է դարձել երեքշաբթի և հասցրել արդեն 125 հազարից ավելի օրինակով իրացվել: Համերգի CD տարբերակով թողարկումը նախատեսված է հաջորդ ամիս:
