Նոր ուսումնասիրությունների համաձայն՝ մարդկանց մեկ երրորդը սեքսով զբաղվում է, երբ դրա համար ժամանակ ունի, այսինք՝ գրաֆիկով: Ընդ որում, նրանք փորձում են աշխատանքից և ընտանեկան հոգսերից ազատ ժամանակը դրան հատկացնել, եթե նույնիսկ սեքսի համար տրամադրություն չկա: Միաժամանակ, եթե նույնիսկ սեքսով զբաղվելու ցանկություն կա, սակայն այդ պահին ուրիշ գործ է ծրագրված, ապա նախօրոք պլանավորած գործերը դժվար թե հետաձգվեն:
Միայն հարցված զույգերի 28 %-ն է ասել, որ սեքսով զբաղվում է այն ժամանակ, երբ դրա ցանկությունը կա: 23 %-ն էլ հայտարարել է, որ զուգընկերոջ առկայությունը համարվում է այն գլխավոր գործոնը, որը որոշում է սեքսով զբաղվելու ժամանակը:
Ուսումնասիրությունները պարզել են, որ զույգերը գիշերը 13 անգամ ավելի շատ են սեքսով զբաղվում, քան ցերեկը:
Հարցված 300 զույգերի 65 %-ը պատասխանել է, որ իրենք ավելի շատ հակված են սեքսով զբաղվել ուշ երեկոյան կամ գիշերը: 20 %-ն էլ հաստատել է, որ սիրում է սեքսով առավոտյան զբաղվել, 10 %-ն էլ ասել է, որ սեքսով զբաղվելու սիրած ժամանակը երեկոն է: Միայն հարցվածների 5 %-ն է սիրային խաղերին ցերեկները տրվում:
Սեքսոլոգները գտնում են, որ, սեքսի հանդեպ այդ վերաբերմունքի մեղավորը կյանքի լարված ռիթմն է: Տարօրինակ է, բայց փորձագետները խորհուրդ են տալիս սեքսին լուրջ վերաբերվել, քանի որ դա անհրաժեշտ է այն մարդկանց, ովքեր հոգնում են տանը և աշխատավայրում: Ընդ որում՝ հոգնեցուցիչ օրվա ավարտին սեքսով զբաղվելն այնքան էլ ճիշտ չէ: Ավելի լավ է այդ իրադարձությունը տեղափոխել օրվա կեսին: Բնականաբար, աշխատավայրում զբաղված լինելու պատճառով շատերին չի հաջողվի դա անել, սակայն հանգստյան օրերին սեքսի համար միշտ էլ ժամանակ կգտնվի:
