Աֆղանստանում ուժայինների կողմից անցկացված լայնամասշտաբ հակաահաբեկչական գործողության արդյունքում վերջին 48 ժամվա ընթացքում չեզոքացվել են «Թալիբան» շարժման և այլ ծայրահեղական կազմակերպությունների առնվազն 100 գրոհայիններ: Այս մասին գրում է ITAR-TASS-ը՝ հղում անելով ՆԳՆ-ին:
Ոստիկանության տվյալներով՝ անվտանգության ուժերի և արմատականների միջև առավել ակտիվ բախումներ տեղի են ունեցել Նանգարհար և Ուրուզգան գավառներում:
«Ոչնչացված գրոհայինների մեծ մասը Պակիստանի քաղաքացիներ են: Մեր հատուկ ստորաբաժանումներին հաջողվեց լուծել իրենց առջև դրված խնդիրը՝ չնայած ծայրահեղականների հետ թեժ բախումներին»,- ասվում է գերատեսչության հայտարարության մեջ:
Հաղորդվում է նաև, որ ձերբակալվել է 22 ահաբեկիչ: Մարտերում զոհվել է 7 իրավապահ, ևս 5-ը՝ վիրավորվել:
