Հայաստանում ծնելիության ցածր մակարդակը պայմանավորված է նաև սեռավարակների տարածման աճով:
Եթե 2003 թվականին Հայաստանում պաշտոնապես գրանցված է եղել 2,203 սեռավարակակիր, ապա 2008 թվականին այդ ցուցանիշը կազմում է` 36,170:
«Մեդել» բժշկական կենտրոնի մաշկաբան, սեռավարակաբան Կարեն Վարդանյանի խոսքերով, սեռավարակի վաղ հայտնաբերման և ախտորոշման խնդիրը էական ազդեցություն ունի հիվանդության բուժման համար:
Բժշկի խոսքերով, հիվանդները դիմում են ոչ թե վաղ շրջանում, այլ միայն բարդություններ ունենալուց հետո,ինչը արդեն անհնար է դարձնում բուժումը:
«Խուսափելու համար սեռավարակներից պետք է մինչև ամուսնանալը դիմել բժշկի և վարել հավատարիմ սեռական կյանք»,-ասաց Շենգավիթ բժշկական կենտրոնի մանկաբարձ-գինեկոլոգ Ռուսուդան Վարդանյանը: