ՌԴ ՆԳՆ գլխավոր վարչության Կալուգայի մարզի արագ արձագանքման հատուկ ջոկատի ու ՌԴ ՆԳՆ աշխատակիցների ջանքերով ձերբակալվել են բանկի կողոպուտի մեջ կասկածվող կազմակերպված խմբավորման անդամներ:
Ինչպես «Ռոսբալտին» հայտնել են ՌԴ Մոսկվայի մարզի ՆԳՆ գլխավոր վարչությունից, այս տարվա օգոստոսին խումբը զինված ավազակային հարձակում է գործել Կալուգայի մարզի բանկերից մեկի գրասենյակի վրա, ինչի հետևանքով բանկին հասցվել է ավելի քան 18 մլն ռուբլու վնաս:
Հարուցվել է քրեական գործ՝ «ավազակային հարձակում» հոդվածով: Մոսկվայի ու Կալուգայի մարզերում անցկացված օպերատիվ-հետախուզական միջոցառումների արդյունքում ձերբակալվել են հանցագործության մեջ կասկածվող 36-44 տարեկան Հայաստանի 4 քաղաքացիներ:
Նրանց բնակության վայրում հայտնաբերվել և առգրավվել են արտասահմանյան մակնիշի ավտոմեքենա, տրավմատիկ ատրճանակ, հեռախոսներ, սիմ-քարտեր և ռացիա:
