«Իսլամական պետություն» ահաբեկչական խմբավորման գրոհայինները ծրագրում են Եվրոպաում և Միացյալ Նահանգներում ահաբեկչական հարձակումներ իրականացնել: Դրանում իր համոզմունքն է հայտնել Բրիտանիայի վարչապետ Դևիդ Քեմերոնը ամերիկյան NBC հեռուստաալիքն տված հարցազրույցում:
«Այս խմբավորումը նավթ, փող ունի, այն տարածքներ է վերահսկում և զենք ունի: Իմ կարծիքով՝ կասկած չկա, որ այն Եվրոպայում և այլ վայրերում արդեն հարձակումներ ձեռնարկել է, այդ թվում նաև Բելգիայում՝ Բրյուսելում, և նորերն է ծրագրում»,- նշել է Քեմերոնը:
«Այլ հարձակումների պլաններ էլ կան, որոնք նրանք փորձել են իրականացնել, այդ թվում նաև իմ երկրում։ Նրանց նպատակը անմեղներին սպանելն ու հաշմանդամ դարձնելն է: Նույնը կատարվում է նաև ԱՄՆ-ի հանդեպ»,- ընդգծել է Բրիտանիայի վարչապետը:
