Պերուում մեկնարկել է հազարավոր սպանությունների մեջ մեղադրվող «ընկեր Արտեմիոյի»՝ Ֆլորինդո Ֆլորեսի նկատմամբ դատական գործընթացը,- հայտնում է ITAR-TASS-ը: Վերջինս զինված ահաբեկչական կազմակերպություններից մեկի՝ «Սենդերո լումինոսո»-ի (Լուսավոր ճանապարհ) ղեկավարն է,- հայտնում է ITAR-TASS-ը:
Քննչական մարմինների հաշվարկով՝ Ֆլորեսի խղճին ծանրացել են ավելի քան հազարավոր սպանություններ: Վերջին 30 տարում, երբ նա ղեկավարել է ապստամբնեդրի շարքերը Ալտո-Ուալայագա դեպարտամենտում, նրա զինյալները իրականացրել են ավելի քան 500 ահաբեկչական ակտեր:
Դատախազությունը Ֆլորեսին ներկայացրել է ահաբեկչության, թմրամիջոցների առևտրով զբաղվելու ու փողեր լվանալու մեղադրանք: Մեղադրանքների հաստատման դեպքում նրան սպառնում է ցմահ բանտարկություն:
Այդուհանդերձ, նրա փաստաբանը հայտարարել է, որ նա չի ընդունում իրեն ներկայացված մեղադրանքները, քանի որ իրեն համարում է «քաղաքական գործիչ, այլ ոչ թե ահաբեկիչ»:
«Լուսավոր ճանապարհ»-ի ապստամբները Պերուում ակտիվ գործել են 20-րդ դարի վերջին 2 տասնամյակներում: Այդ ժամանակ երկրում սպանվել է 70 հազար մարդ:
