Լուրը, որ Facebook սոցցանցը նոյեմբերի 1-ից բաժանորդավճար կներմուծի, պարզվել է՝ հորինվածք է: Այս մասին հայտնում է russian.rt.com-ը:
«Facebook-ի հիմնադիր Մարկ Ցուկերբերգն այսօր առավոտյան մամլո ասուլիսի ժամանակ հայտարարել է, որ սոցցանցը 2,99 դոլարի չափով վճար կներմուծի տրամադրվող ծառայությունների դիմաց»,- ասվում է National Report կայքում հաղորդագրության մեջ, որը միայն հորինված սատիրիկ նյութեր է հրապարակում: Նույն հաղորդագրության մեջ մեջբերվում են ընկերության հորինված ներկայացուցչի և վերլուծաբանների խոսքերը: Մի շարք ամերիկյան և ռուսական ԶԼՄ-ներ, սակայն, հաղորդագրությունը միանգամայն լուրջ են ընդունել:
