ՅՈՒԿՕՍ-ի նախկին ղեկավար Միխայիլ Խոդորկովսկին հայտարարել է, որ իր համար քննարկում է Ռուսաստանի նախագահ դառնալու հնարավորությունը, եթե դա պահանջի ճգնաժամային վիճակի հաղթահարումը: Այդ մասին սեպտեմբերի 21-ին հաղորդել է ֆրանսիական Le Monde թերթը:
«Իմ առաջ նման խնդիր չկա: Ես հետաքրքրված չէի լինի նախագահ դառնալու գաղափարով, եթե իմ երկիրը նորմալ զարգանար… Բայց եթե անհրաժեշտություն լինի հաղթահարել ճգնաժամը և սահմանադրական բարեփոխում իրականացնել, որի հիմնական մասը լինելու է նախագահական իշխանության վերաբաժանումը դատական իշխանության, խորհրդարանի և քաղաքացիական հասարակության միջև, ես պատրաստ կլինեմ ստանձնել աշխատանքի այդ հատվածը »,- հայտարարել է նա՝ պատասխանելով ապագայում Ռուսաստանի նախագահ դառնալու մտադրության վերաբերյալ հարցին:
Խոդորկովսկին ավելի քան 10 տարի անցկացրել է բանտում խարդախության և թալանի մեղադրանքով: 2013թ. դեպտեմբերի 20-ին ՌԴ նախագահը ստորագրել էր նրան ազատ արձակելու որոշումը: Ազատ արձակվելուց անմիջապես հետո նախկին գործարարը մասնավոր ինքնաթիռով ժամանել էր Բեռլին՝ հաղորդում է RIA Novosti-ն: