Հավաքական անվտանգության պայմանագրի կազմակերպության (ՀԱՊԿ) նախագահությունն անցել է Ղրղըզստանին: Այս մասին կազմակերպության Հավաքական անվտանգության խորհրդի նիստին հայտարարել է ՌԴ նախագահ Վլադիմիր Պուտինը: Այս մասին փոխանցում է RIA Novosti-ն:
«Մենք աշխատել ենք նեղ շրջանակով: Նախագահությունն անցավ Ղրղըզստանին»,- ասել է Պուտինը: Նա նշել է, որ ընդլայնված կազմով օրակարգի թեմաների քննարկումից հետո փաստաթղթերի փաթեթ կստորագրվի:
«Այսօրվա նիստը ավարտում է տարին ՀԱՊԿ-ի համար. մենք նշեցինք պայմանագրի ստորագրման 20 տարին և կազմակերպության 10-ամյակը»,-հավելել է ՌԴ նախագահը:
Պուտինի խոսքով՝ ՀԱՊԿ-ը սկսել է խաղաղարար օպերացիաների անցկացման նախապատրաստությունը՝ նշելով ինքնիշխան պետությունների ներքին գործերին միջամտելու անթույլատրելիությունը, քանի որ դա կարող է հանգեցնել ամենալուրջ հետևանքների:
«Մերձավոր Արևելքում և Հյուսիսային Աֆրիկայում իրադարձությունների դրամատիկ զարգացումը ասվածի վառ ապացույցն է»,- ասել է Պուտինը: