Հարավկորեական Samsung ընկերությունը 2012-ին համաշխարհային շուկա բջջային հեռախոսների մատակարաման ծավալով կարող է առաջ անցնել բազմամյա առաջնորդ ֆիննական Nokia-ից: Նման կանխատեսմամբ են հանդես եկել IHS iSuppli վերլուծական ընկերության մասնագետները: Այս մասին հաղոռդում է RIA Novosti-ն:
Ըստ կանխատեսումների՝ Nokia-ն բջջային հեռախոսների համաշխարհային շուկայում առաջատարությունը կզիջի 14 տարում առաջին անգամ, իսկ Samsung-ը այս տարվա արդյունքներով գլոբալ մատակարարների շարքում առաջին անգամ կզբաղեցնի առաջին տեղը:
Ինչպես սպասվում է՝ ընթացիկ տարվա արդյունքներով Samsung-ին բաժին կընկնի բջջային հեռախոսների մատակարարումների 29 տոկոսը (2011-ին՝ 24 տոկոս), իսկ Nokia-ինը՝ 24 տոկոս (2011-ին՝ 30 տոկոս):
Հարավկորեական արտադրողի հաջողությունը պայմանավորած է սարքերի մոդելային շարքի բազմազանությամբ, որոնք հանգեցած են նորագույն տեխնոլոգիաներով: Դրանց շարքում կան նաև ոչ թանկարժեք հեռախոսներ: Իր հերթին՝ Nokia-ն գտնվում է արտադրությունը Windows Phone օպերացիոն պլատֆորմ տեղափոխելու փուլում:
Apple-ը կպահպանի իր դիրքերը երրորդ հորիզոնականում՝ շուկայում 7-10 տոկոս մասնաբաժնով:
Ըստ կանխատեսումների՝ 2012 թվականին բջջայինների գլոբալ մատակարարումները, անցած տարվա համեմատ, կաճեն 35.5 տոկոսով:
