Անցած շաբաթ Կուբայում տարած վիրահատությունից հետո Վենեսուելայի նախագահ Ուգո Չավեսի մոտ առաջացել է շնչառական ուղիների բորբոքում: Ինչպես երեքշաբթի հաղորդել է երկրի կապի և ինֆորմացիայի նախարար Էռնեստո Վիլեգասը՝ բուժող բժիշկները իրավիճակը պահում են հսկողության տակ, և հիմա նախագահի վիճակը կայուն է:
2011 թ. հունիսին Չավեսը վիրահատվել է քաղցկեղի հեռացման համար և ապա քիմիաթերապիայի չորս կուրս է անցել: Դրանից հետո հայտարարեցին, որ նա հաղթահարել է հիվանդությունը: Սակայն մի քանի ամիս անց բժիշկները նոր ուռուցք հայտնաբերեցին կոնքի հատվածում, այսինքն՝ հենց այն նույն տեղում, որտեղից հեռացվել էր չարորակ գոյացությունը: Փետրվարի վերջին այդ ուռուցքն էլ հեռացվեց հենց նույն հիվանդանոցում, որտեղ վիրահատել էին Չավեսին: Դրանից հետո նա բուժման կուրս է անցել՝ ամենանգամյա այցելություններ կատարելով Կուբա, իսկ հուլիսի սկզբին լրագրողների հետ զրույցում հայտնել էր, որ ամբողջովին ձերբազատվել է հիվանդությունից:
Սակայն դեկտեմբերի սկզբին Չավեսը հայտարարեց, որ ստիպված է նորից մեկնել Հավայան կղզիներ, քանի որ չորրորդ վիրաբուժական միջամտության կարիքն ունի:
Նա հայտնել է, որ այդ վիրահատությունը ռիսկային է, և դա բացառել չի կարելի:
